MAHAKAMA YA MWANZO RYAGORO YACHOMWA MOTO.

MAHAKAMA ya Mwanzo Ryagoro Wilayani Rorya Mkoani Mara imechomwa Moto na watu wasiofahamika na kuteketeza chumba cha masijala pamona na vielelezo vya kumbukumbu za mafaili kuteketea.

Akisimulia tukio hilo kwa waandishi wa habari Kamanda Mkoa wa kipolisi Tarime/Rorya kamishina msaidizi wa Jeshi la polisi ACP Lazaro Mambosasa alisema kuwa tukio hilo lilitokea saa 3.30 usiku  kuamkia November 09  mwaka huu. 

''Jengo la Mahakama ya Mwanzo Ryagoro lilichomwa moto na watu wasiojulikana chumba kilichoathirika zaidi ni chumba cha masijala ya mahakama hiyo dhamani ya mali iliyoungulia ndani ikiwa ni majalada pamoja na samani nyingine ni Tsh 5,000,000''alisema Mambosasa.

Aidha Mambosasa aliongeza kuwa hakuna Mtu yeyote ambaye anashikiliwa kuhusiana nan tukio hilo na kuwa chanzo cha tukio bado hakijajulikana na jeshi la polisi linaendelea kufanya upelelezi kuwapata watuhumiwa wa tukio hilo na kuwafikisha kunako husika.

Kwa upande wa wananchi wa kutoka eneo la tukio walisema kuwa mahakama hiyo iliunguzwa saa 2 usiku kuamkia Novemba,9 mwaka huu na watu ambao wanasadikiwa kuwa ni watuhumiwa wa makosa mbalimbali.

''Vijana walikuwa wanatoka usiku katika majumba ya kuonyesha mpira gafula  walipita wakaona Jengo la mahakama linaungua moto ambapo walipiga mwana ili kuomba msaada ambapo wananchi walifika na kutoa msaada wa kuokoa mali zilizokuwemo ndani yake''walisema wananchi hao.

Aidha wananchi hao ambao hawakutaka majina yao yatajwe Gazetini walisema kuwa kuchomwa moto mahakama hiyo ni kupoteza kumbukumbu za mafaili ya watuhumiwa ambao walikuwa wanashitakiwa mahakamani hapo.

 

''Tunaomba serikali ichukue hatua za haraka kuwasaka watuhumiwa wa tuykio hilo kwa sababu kitendo hiki hakifurahishi jamii na kina lengo la kudididmiza wanyonge''walisema wananchi hao.

                                           

                                                       ,,,,,,,,,,,,,,,,,,,,,,,,,,,,,,mwisho,,,,,,,,,,,,,,,,,